ДУА
“Дзераўнянская сярэдняя школа”
Беларуская мова
Слайд
1
Тэма: Перанос слоў з
прыстаўкамі
Мэта: мяркуецца, што ў
выніку актыўнай пазнавальнай дзейнасці навучэнцы будуць
ведаць: правілы пераносу
слоў з прыстаўкамі;
умець: дзяліць словы з
прыстаўкамі для пераносу.
Задачы: садзейнічаць
фарміраванню ўменняў знаходзіць словы з прыстаўкамі, вызначаць прыстаўкі ў
словах;
стварыць умовы для
развіцця арфаграфічнай пільнасці і вуснага маўлення, камунікатыўных і
рэфлексіўных здольнасцей;
выхоўваць уменне
працаваць самастойна і кантраляваць свае дзеянні.
Тып урока: вывучэнне новага
матэрыялу.
Абсталяванне: вучэбныя
дапаможнікі, сшыткі, карткі-заданні
для работы ў групах, прэзентацыя PowerPoint, праектар, камп’ютар.
Ход урока
I.
Арганізацыйны этап.
Псіхалагічная хвілінка.
Слайд
2
(На фоне музыкі настаўнік запрашае дзяцей у
круг)
Настаўнік:
Весела прагучаў званок.
Яго голас нам знаёмы
Запрасіў на ўрок – беларускай мовы.
Добры дзень, маленькія мае сябры!
Давайце возьмемся за рукі і перададзім свой добры настрой
далонькамі адзін аднаму.
- Прывітайце ветлівай
усмешкай гасцей.
- А цяпер прачытаем
хорам дэвіз нашага ўрока:
Слайд 3
Будзем дружна працаваць
I не будзем
сумаваць!
-Спадарожнікамі ўрока будуць наступныя словы: прыйшлі, аб’ядналіся,
заўважылі, падтрымалі. Менавіта так паступаюць сапраўдныя сябры. Я спадзяюся,
што сёння мы станем сапраўднымі сябрамі. А каб у вас быў добры настрой, я хачу
падарыць вам сонейкі. Займіце месцы ў адпаведнасці з колерам.
- Давайце ўспомнім правілы работы ў
групах: працаваць разам, дапамагаць адзін аднаму.
II. Этап праверкі дамашняга задання.
- Ці ўзніклі ў вас цяжкасці пры
выкананні дамашняга задання?
Слайд 4
- На сонейках у вас ёсць заданне, падобнае на дамашняе. Працуем самастойна.
Заданне:
-
Устаўце прапушчаныя літары, абазначце прыстаўкі.
Успомніць, разблытаць, расказаць, узнавіць,
бездапаможны.
Узаемаправерка
(Навучэнцы ў парах абменьваюцца карткамі і правяраюць правільнасць
выканання па ключы).
- У вас на сталах ляжаць святлафоры. Пакажыце зялёны колер тыя, хто выканаў
заданне без памылак. Жоўты – у каго адна памылка. Чырвоны, калі дзве памылкі і больш.
III.Этап актуалізацыі ведаў.
Слайд
5
1.Работа з інтэрактыўнай прэзентацыяй з электроннага
трэнажора А.С. Журавай “Правапіс прыставак”.
- Сапраўдныя сябры
заўсёды прыходзяць на дапамогу. Давайце і мы дапаможам кураняці сабраць каласкі, г.зн.
знайсці словы, у якіх няма прыставак.
Слайд 6
2.Арфаграфічная хвілінка.
Лёгка пасварыцца, цяжка
памірыцца.
Чытаем прыказку хорам, тлумачым яе сэнс.
- Устаўце прапушчаныя
літары, растлумачце напісанне.
3. Хвілінка чыстапісання (запіс у сшытках даты, класная
работа)
1 радок - Гг Жж
2 радок -запісваем
прыказку.
-
Знайдзіце і
назавіце словы з прыстаўкамі.
IV. Этап засваення новых ведаў.
1.
Работа са словамі на дошцы.
-Я хачу звярнуць вашу ўвагу на словы,
давайце прачытаем іх.
прый - шлі
аб’ – ядналіся
заў - важылі
пад – трымалі
па – дтрымалі
падт – рымалі
- Што ў іх агульнае?
Што яны абазначаюць?
- Усе словы на тэму
“Сяброўства”. Бо сёння мы з вамі прыйшлі
на ўрок, разам аб’ядналіся, заўважылі і падтрымалі адзін аднаго.
- Ці правільна
падзелены словы для пераносу? Чаму вы
так думаеце? Паколькі вашы меркаванні розныя, то гэта і будзе тэмай нашага ўрока. Дапамажыце мне яе агучыць.
Вызначэнне тэмы ўрока разам з навучэнцамі.
- Тэма ўрока “Перанос
слоў з прыстаўкамі”. Я спадзяюся, што напрыканцы ўрока вы будзеце умець дзяліць
словы з прыстаўкамі для пераносу. Гэта будзе мэта нашага ўрока.
2. Работа з вучэбным дапаможнікам, разбор правіла на с. 109.
-Звернемся да правіла на с.109 (Самастойнае чытанне, затым услых па
частках).
Чытанне 1 часткі правіла.
- Што вы даведаліся? А зараз паспрабуем вызначыць, ці правільна
падзелены словы з прыстаўкамі для пераносу.
Настаўнік выклікае навучэнца да дошкі.
- Карыстаючыся
правілам, вызначым, ці правільна падзелены словы з прыстаўкамі для пераносу. З
чаго трэба пачаць? Спачатку трэба вызначыць прыстаўку. Затым даказаць, што
слова з прыстаўкай падзелена правільна.
- А яшчэ можна рабіць
перанос на мяжы частак слоў. Падобнае заданне вы будзеце выконваць самастойна,
таму трэба яшчэ раз паўтарыць, як правільна падзяліць словы з прыстаўкай для
пераносу.
Чытанне 2 часткі правіла.
- Цяпер звернемся да
2 часткі. (Чытаем услых.) Раскажыце, як
пераносяцца словы з літарамі й, ў, з апострафам.
- У парах паўтарыце яшчэ раз гэта правіла.
Фізкультмінутка
Устаньце, дзеткі,
усміхніцеся,
Зямлі нашай
пакланіцеся.
Усе да сонца
пацягніцеся,
Улева, управа
нахіліцеся.
Раз прысядзьце, два
прысядзьце
І за парты ціха
сядзьце.
V. Этап замацавання
новых ведаў.
1. Работа з вучэбным дапаможнікам. Пр. 211. Работа ў парах(карыстаючыся
правілам). Калектыўная праверка.
Зваротная сувязь ад навучэнцаў.
- Падніміце зялёны колер, каму лёгка было выконваць
заданне, а чырвоны, тыя, ў каго былі цяжкасці.
Работа ў групах.
Выпісаць словы з прыстаўкамі, абазначыць прыстаўку,
падзяліць словы для пераносу.
1 група
Важны ў хлопчыка
занятак –
Падсыпаць штодня зярнятак
У птушыныя
кармушкі.
Падружыліся з ім птушкі.
2 група
У мурашоў занятак
свой, Выкарыстоўваем тл. слоўнік.
ТАЛАКА
Яны працуюць
талакой: Ці ўсе словы
зразумелыя?
То домік свой падправяць,
То ежы назбіраюць.
3 група
Дружба моцнаю бывае,
Кожны з нас пра гэта знае.
Выйшла з народа і ідзе:
Сябры пазнаюцца
ў бядзе.
Праверка
работы ў групах.
VI. Этап інфармацыі аб дамашнім заданні з тлумачэннем.
Пр. 213.
VIII. Этап падвядзення вынікаў.
Рэфлексія “Прадоўжы сказ”
Я даведаўся(лася)….
Я навучыўся(лася)…..
Я магу….
IX. Этап ацэньвання дзейнасці навучэнцаў на ўроку.
Выстаўленне адзнак.
- Мы сёння
працавалі ў групах. Значыць, мы
сапраўдныя сябры, а сяброўства – вялікая сіла. Няхай яно заўсёды крочыць з вамі
па жыцці, а падараваныя сонейкі ўсміхаюцца вам штодзень. Дзякуй за работу! Мне
вельмі прыемна было з вамі працаваць.
Спампаваць прэзентацыю.
Спампаваць прэзентацыю.
Комментариев нет:
Отправить комментарий